FAQ
الأسئلة الأكثر تكراراََ
يعني إيه برباطوظ؟
أعيخ.
يعني إيه أعيخ؟
أعيخ، معناها "أنا عارف ياخويا؟" وهي كلمة ابتكرتها خصيصا لتويتر للرد على الأسئلة اللي مالهاش إجابة أو الأسئلة اللي باحس إني مش المفروض اتسئلها أو الأسئلة العجيبة اللي بكون عاوز اهرب منها. كلمة أعيخ انتشرت بشكل كبير على الانترنت وعلى أرض الواقع وافتخر إني ابتكرت كلمة ومنتظر اليوم اللي هتتضاف فيه للمعجم الحويط.
هل فيه كلمات تانية؟
أيوة، فيه كمان "ض.ه" بمعنى ضحك هستيري، و"طاعاد" بمعنى طب انت عاوز إيه دلوقتي؟. برضه للاستخدام التويتري.
انت بتعمل إيه عندك في اليابان؟
دكتوراة في طب الأسنان.
إيه ده انت فعلا دكتور أسنان؟ أنا أعرف إنك رسام كوميكس بس؟
أيوة أنا الاتنين، اتفضلوا في الصالون.
الساعة كام عندك في اليابان دلوقتي؟
دوس هنا.
إيه هي اللهاليط ده؟ يعني إيه لهلوط؟
اللهاليط أو اللهلوط هو مسمى ابتكرته لحلوى يابانية اسمها daifuku ومكونها الرئيسي اسمه mochi. والاسم ابتكرته في أول سفرية لليابان كسائح لما شفت هذا الطعام الملهلط الجميل وقررت تسميته هذا الاسم اللي برضه انتشر لدرجة لا بأس بها بين الأصدقاء وعلى الانترنت.
هل فعلا فردوس عبحميد قضت على الديناصورات بالآشعة الفردوسعبحيميدية؟
أيوة، بلا مجال للشك.
كفاية كدة ولو افتكرت أسئلة تانية أو لو اتسألت أسئلة مكررة بدرجة كافية إنها تخليني عاوز اخبط دماغي في أقرب حيطة، هاجي هنا أكتبهم. تحياتي!
